Бұл туралы Caravan.kz медиа порталы Polisia.kz-ке сілтеме жасап хабарлайды.
Астана қаласында мешіттердің бірінде тіркелген ұрлық фактісі бойынша полицияға шағым түскен. Жергілікті тұрғын өзінің қымбат тонының ұрланғанын хабарлаған.
Жедел-іздестіру шаралары барысында Есіл аудандық криминалдық полиция қызметкерлері бейнебақылау камераларын мұқият зерделеп, күдіктіні анықтаған. «Қылмысты тоқтату» жедел-алдын алу шарасының аясында 22 жастағы азамат «Iceberg» қымбат тонын ұрлады деген күдікке іліккен.
Тергеу барысында белгілі болғандай, күдікті мешітке жамағаттың кейпін жамылып, намазға жығылуға кеткен азаматтың күртесін киіп, еш қиындықсыз сыртқа шығып кеткен. Осылайша ол қала тұрғынына 400 мың теңге көлемінде материалдық шығын келтірген.
Полиция қызметкерлерінің жұмысы нәтижесінде күдікті қылмысын мойындап, ұрланған киімді иесіне қайтарып берген. Қазіргі уақытта ұрлық дерегі бойынша қылмыстық іс қозғалған. Сонымен қатар күдіктінің осыған ұқсас тағы екі қылмысқа қатыстылығы анықталған.