46 адам Ауғанстандағы соғыс ардагерлері ретінде заңсыз түрде тіркеліп ақшалай жәрдемақы алған - kaz.caravan.kz
  • $ 443.85
  • 474.3
+19 °C
Алматы
2024 Жыл
25 Сәуiр
  • A
  • A
  • A
  • A
  • A
  • A
46 адам Ауғанстандағы соғыс ардагерлері ретінде заңсыз түрде тіркеліп ақшалай жәрдемақы алған

46 адам Ауғанстандағы соғыс ардагерлері ретінде заңсыз түрде тіркеліп ақшалай жәрдемақы алған

Қырғызстанда соғысқа бардым деп алдағандар 350 мың долларға жуық жәрдемақы алған.

  • 3 Наурыз 2018
  • 295
Фото - Caravan.kz

Қырғызстанда 46 адам Ауғанстандағы соғыс ардагерлері ретінде заңсыз түрде тіркеліп ақшалай жәрдемақы алған, деп хабарлайды Baq.kz ақпарат агенттігі Риа Новости сайтына сілтеме жасап.

Әскери прокуратура Ош облысы, Ноқат, Қадамжай және Кара-Суу аудандарының әскери комиссариаттары мүшелеріне қатысты Қырғызстанның Қылмыстық кодексінің 304-бабы «Қызмет бабын асыра пайдалану», 315-бабы «Жалған қызмет» және 160-бабы «Алаяқтық» бойынша қылмыстық іс қозғады.

Комиссариаттардың лауазымды тұлғалары азаматтармен келісімге отырып, оларды Ауғанстандағы әскери операцияларға қатысушы ретінде рәсімдегені анықталды. Осындай алаяқтықпен 46 «жалған ауғандық» заңсыз куәліктер мен сертификаттар алған. Оларға мемлекет тарапынан жәрдемақы түрінде ай сайын 6 мың сом (шамамен 90 доллар) берілген.

«Әскери комиссариаттардың лауазымды тұлғаларының заңсыз әрекеттері мен мемлекеттік басқару комитетінің 2010 жылдың қаңтарынан 2017 жылдың желтоқсанына дейін тиісті бақылаудың жоқтығына байланысты мемлекеттік бюджеттен 23,7 млн сомнан астам қаражат (шамамен 350 мың АҚШ доллары) төленді», — делінген Қырғызстан Республикасы бас прокуратураның хабарламасында.


Қазір құқық қорғау органдары мемлекетке келтірілген залалдың өтелуін қамтамасыз ету жұмыстарымен айналысып жатыр.

 

Соңғы жаңалықтар