Онда қазақстандық спортшылар 6 алтын, 7 күміс, 6 қола медаль олжалады. Оның алтауын «Динамо» денешынықтыру және спорт қоғамы мүшелері иеленді. Атап айтқанда, шаңғы жарысынан — Алексей Полтаранин, фристайлдан — Дмитрий Рейхерд, Юлия Галышева алтын, ал биатлоннан — Елена Хрусталева, тау шаңғысынан Игорь Закурдаев, конькимен жүгіруден Дмитрий Бабенко күміс жүлдегер атанды. Жалпы, динамошылар Азия ойындарында 11 спорт түрінің 9-ы бойынша қатысып жатыр. Онда шаңғы жарысы ( 3), коньки жарысы (7), фристайл ( 5), биатлон ( 6), шорт-трек (3), тау шаңғысы (1), тұғырдан шаңғымен секіру (3), мәнерлеп сырғанау (1) және шайбалы хоккей (14) бар.