Бұл туралы Caravan.kz медиа порталы "Жарқын жүздесу" бағдарламасына сілтеме жасап хабарлайды.
Бағдарлама 90-шы жылдардағы әншілерге арналды. Сол кездегі жас әншілер мен тойда хит болған әндер аясында сөз қозғалды. Бағдарламаға Бахыт Шадаева, Гүлмира Ақүрпекова, Өктем Алтаев, Ұлықпан Жолдасов, Меруерт Түсіпбаева сынды әншлер шақырылған.
Бағдарламада сол кездің хит әндері Меруерт Түсіпбаеваның "Қимай сені барамын", Бахыт Шадаеваның " Аңса, жаным" әндері шырқалды.
90-шы жылдары бірде-бір той оның әндерінсіз өтпейтін. Сол жылдары әрбір тойда хит болған Өктем Алтаевтың "Ақ сәулем" әні.
"Ол кездегі тойға шығу Шымкент қаласында 100 доллар болатын. Яғни, тайдан улкен бір құнанның бағасы", дейді хит әннің орындаушысы Өктем Алтаев.
Ол жылдары әншілерге тойға баруға рұқсат етілмеген. Яғни, мемлекет тарапынан қойылатын концерттік бағдарламалар өте жиі болып отырған. Талап та тым жоғары болған.
