Ол 196 шақырымдық қашықтықты 4 сағат 26 минут 26 секундта бағындырды.
Жерлесіміз мәреге жетер тұста алға суырылып шығып, өзінің жеңісіне қажетті қашықтыққа ұзап кетті. «Колумбия» командасы атынан шығып жүрген британиялық Марк Кевендиш А. Винокуровтан аттай 13 секундқа қалып, екінші орынды иеленді. Үшінші орынға «Лямпре» командасының майталманы Алессандро Петакки қол жеткізді. «Рабобанк» командасының үміт артып, үкілеген шабандозы Денис Меньшов бұл сында 18-ші болып келді.
Атақты Лэнс Армстронг 13-ші кезеңді 100-ші болып аяқтады.
А. Винокуров «Тур де Франс» көпкүндігінде өзінің танымал әріптестерінен әзірше қалып келеді. Жалпы есепте ол 11 орында тұр. Турнир көшбасшысы «Саксо банк» командасының велошабандозы люксембургтік Энди Шлек екендігі мәлім. Екінші орынды әзірше «Тур де Франс» көпкүндігінің 2009 жылғы жеңімпазы «Астаналық» Альберто Контадор місе тұтуда. Ол Энди Шлектан 31 секунд артта келеді.
«Эускатель-Эускади» командасынан Самуэль Санчес пен «Рабобанк» командасының шабандозы ресейлік Денис Меньшов олардың ізін өкшелеп келеді.