Афины қаласында өткен математика олимпиадасында қазақстандық оқушылар екі алтын, екі қола жүлдені жеңіп алды

Афины қаласында өткен IMO-2004 45-ші халықаралық математика олимпиадасында қазақстандық оқушылар екі алтын, екі қола жүлдені жеңіп алды. Бұл туралы KZ-today тілшісіне ҚР білім және ғылым министрлігінің баспасөз қызметінен хабарлады.

Халықаралық математика олимпиадасында жеңімпаз атанған оқушылар мыналар : Қуат Есенов — Павлодар мектебінің 11-сынып оқушысы- алтын медаль; Андрей Ким — Талдықорған орта мектебінің 9-сынып оқушысы- алтын медаль; Дамир Елеусізов — Алматы мектебінің 11-сынып оқушысы- қола медаль; Данияр Келбетов — Ақтөбе орта мектебінің 11-сынып оқушысы — қола медаль.

Математика олимпиадасын өткізуге Грекия білім министрлігі мұрындық болды. Шара мақсаты — дарынды балаларды қолдау, жаңа дарын иелерін анықтау, әр ел жастары арасында достық байланыс орнату болып табылады, дейді министрліктегілер.