Бұл туралы ол Instagram-дағы парақшасында жазды, — деп хабарлайды Caravan.kz медиа порталы.
«Жер ортасы жасқа келдім!
Бағындырған ӨЗ белесім, ала аламаған ӨЗ қамалым, шыққан шыңым, жүріп келе жатқан ӨЗ жолым бар. Бәріне де ризамын!
Айналам АҒА — деп ақыл сұрайтын жасқа келдім! Шамамның жеткенінше жүрегімді ашып, көмек қолын созып, досты да, дұшпанды да бауырымдай құшағыма қысып келемін.
Төрт құбылам түгел, керегем кең, терезем тең ОТБАСЫМ деген тыныштықтамын. Ғажап күн. Бұл күн — мен туған күн», — деп жазды әнші.
Әншінің анасы ұлы туған күнін неліктен алдымен отбасымен емес, өзімен атап өткенін түсіндірді.
«Неге өз баламды өзімнен қызғанасыздар екен. Дұрыс азамат алдымен анасына тағзым етеді, өмір бергеніңіз үшін деп, содан соң бала-шағасы отбасымен тойлай береді. Түнде 12 ден аса бере маған келді, енді Алла бұйыртса отбасына ұшты, сізге нақты жауап қажет болып бара жатса. Алладан соң, анасын жоғары қойса оған еш ренжімеңіз, керісінше отбасыңызға үлгі болсын. Ата-ананың разылығы, дұғасы болмаса жер басып жүрудің өзі күнә шығар. Оған қарсымын дегендер, баласы мен анасын бір-біріне қарсы қойғандар сайтанның азғыруындағы күсәпірлер дер едім. Қолыңыздан келсе біздің өміріміз бен әлемімізге араласпай, өз қалауыңызша өз өміріңізді сүргеніңіз абзал. Әр отбасының өз тәртібі, тәрбиесі бар, менің отбасым сізге ұнаса да ұнамаса да сіздің қалауыңызбен өмір сүрмейді», — деп түсіндірді ол.