Айдын Айымбетов ҚР Әскери-әуе күштерінің туын ғарышқа алып ұшады - kaz.caravan.kz
  • $ 443.85
  • 474.3
+16 °C
Алматы
2024 Жыл
25 Сәуiр
  • A
  • A
  • A
  • A
  • A
  • A
Айдын Айымбетов ҚР Әскери-әуе күштерінің туын ғарышқа алып ұшады

Айдын Айымбетов ҚР Әскери-әуе күштерінің туын ғарышқа алып ұшады

Қазақстандық ғарышкер Айдын Айымбетов Қазақстан Республикасы Қарулы Күштері Әскери-әуе күштерінің туын өзінің ғарышқа алғашқы сапарында өзімен бірге алып ұшады.

  • 12 Тамыз 2015
  • 1463
Фото - Caravan.kz

Ту оның қазақстандық армиядағы ұшу мансабының бастамасы және аңсаған арманы — ғарышқа ұшуға қол жеткізгенін айқындайтын белгі болып табылады.

Бұл туралы ҚР ҚМ баспасөз қызметі хабарлады.

Қазіргі кезде Қазақстанның Әуе қорғанысы күштері бас қолбасшылығы басқармасының өкілдері арқылы Әскери-әуе күштерінің туы ғарышкерге берілді.

Айдын Айымбетов 1993 жылы «ұшқыш-инженер» мамандығын алғаннан кейін ҚР ҚК Әуе қорғанысы күштеріне қарасты 21751 әскери бөлімінде қызмет атқарып, МиГ-23 және Л-39 ұшақтарында ұшуларды орындады.

2002 жылы ұшқыш Қазақстандық ғарышкерлердің жасағына енгізуге ұсынылған болатын. Ол ғарышкерлікке үміткерлер тобының құрамында даярлыққа кірісті. Үш жылдан соң «ғарышкер-сынаушы» біліктілігін алды. 2014 жылы оған «ҚР ӘӘК полковнигі» әскери атағы берілді.

Алдағы «Союз ТМА-18 М» ұшу кемесінде ғарышқа ұшу ағымдағы жылы қыркүйектің басына жоспарланып отыр. Айдын Айымбетов ғарышкер Сергей Волков (Ресей ғарышы) және астронавт Андреас Могенсенмен (Еуропа ғарыш агенттігі) бірге Халықаралық ғарыш станциясына жіберіледі.


23

Соңғы жаңалықтар