Кеше жарыс қожайындары бұған дейін Теміртаудың «Мекталург», Өскеменнің «ШығысҚорғасынҚұрылыс» (3:1), Алматының «ЦСКА-Алматы» командаларынан (3:0) басым түскен «қарағандылық» волейболшылармен кездесті. Алғашқы үш күннің қорытындысы бойынша жеңіліссіз келе жатқан екі команданың бұл ойынды спорт сүйер қауымның делебесін қоздырған болатын. Жарыс қожайындары өз алаңында жанкүйерлерін қуантып қонақтарды 3:0 (25:18, 25:19, 25:20) есебімен ойсырата ұтты. Бүгін енді «ШығысҚорғасынҚұрылыс» пен «ЦСКА Алматы», «Қарағанды» мен «Ертіс-Қазхром», «Металлург» пен «Жетісу» өзара сайысқа түседі.
