Атап айтқанда Гүлмарал Еркебаева (67 кг) іріктеу сынында қытайлық Жингнинг Лиге ұтылса, Аймангүл Төлеухан (51 кг) ширек финалда жапондық Иу Майахраға есе жіберді. Ал ең жеңіл салмақта бақ сынайтын Айдана Өтеғұлова тайпейлік Уен-Линг Лоны 5:0 ойсыра ұтып, ширек финалға өтті. Енді бүгін 59 келідегі медальдар топтамасын сарапқа салу сынында Аяулым Қасымова да өз бағын сынап көрмек. Болат Нұрмағамбетовтің өзге шәкірттерінен Кристина Яловенко (48 кг), Юлия Одиненко (55 кг), Екатерина Ларионова (63 кг) және Эльмира Сыздықова (72 кг) өз белдесулерін ертең өткізетін болады.
