Жергілікті жұртшылықпен жүздесу барысында белгілі өнер тарландары Тұңғышбай Жаманқұлов, Ғазиза Әбдінәбиева, Еркін Жуасбек және өзге де артистер Сәбира Майқанова жайында тағылымды естеліктер айтты. Өнерпаз тұлғаның қазақ өнеріндегі орны ерекше екеніне тоқталды. Сәбира Майқанова есімі — театр өнеріндегі қайталанбас есімдердің бірі. Ол кісі сан қырлы дарыны арқасында әртүрлі жанрда жарқырап көрінді. Әсіресе, әйел-ана рөлдерін жан жүрегімен беріле, айырықша шынайылықпен ойнады.
С.Майқанованың туғанына үстіміздегі жылы 100 жыл толуына орай бірегей талант иесінің мерейтойы еліміздің жер-жерінде аталып өтуде.
