Дональд Трампты өлтірмек болған адам – 20 жастағы Томас Мэттью Крукс, делінген АҚШ Федерал тергеу бюросының мәлімдемесінде, деп хабарлайды Caravan.kz медиа порталы. Бұл туралы «Әшкере» телеграм арнасы жазды.
ФБР хабарына сенсек, Крукс Пенсильваниядағы Бетел-Парк тумасы. Бұл қала қастандық жасалған Батлерден шамамен 70 км қашықта орналасқан.
«Белсенді тергеу жалғасып жатыр және тергеуге көмектесетін ақпараты бар кез келген адамнан онлайн режимінде фотосуреттер немесе видеолар жіберуді сұраймыз», — делінген хабарламада.
Шабуыл туралы кім не деді?
Дональд Трамп:
«АҚШ-тың құпия қызметіне және барлық құқық қорғау органдарына Пенсильвания штатының Батлер қаласында болған атысқа жылдам әрекет еткені үшін алғыс айтамын. Ең бастысы, мен митингіде қайтыс болған адамның отбасына, сондай-ақ ауыр жарақат алған басқа адамның отбасына көңіл айтамын. Мұндай оқиға біздің елде болғаны адам сенгісіз жағдай».
Джо Байден:
Байденнің айтуынша, құпия қызмет осы уақытқа дейін оқиға туралы ақпарат жинауды жалғастырып жатыр. Байден АҚШ-тағы «саяси зорлық-зомбылықты» тағы бір рет айыптады.
«Америкада мұндай зорлық-зомбылыққа жол жоқ. Бұл жиіркенішті», — деді ол.
Камала Харрис:
АҚШ вице-президенті Камала Харрис ол және оның күйеуі АҚШ-тың бұрынғы президенті Дональд Трамптың «ауыр жарақат алмағаны» туралы жаңалықтарға байланысты қуанған.
Трамптың ұлы:
«Мен жаңа ғана әкеммен телефон арқылы сөйлестім, оның көңіл-күйі керемет. Ол Американы құтқару үшін күресуді ешқашан тоқтатпайды», — деді кіші Дональд Трамп.
Ұлыбритания премьері Кир Стармер:
«Мен Трамптың митингісіндегі таңғаларлық кадрларға таңғалдым, біз оған және оның отбасына ізгі тілектерімізді айтамыз. Саяси зорлық-зомбылықтың кез келген түріне біздің қоғамда орын жоқ, жанымыз осы шабуылдың құрбандарымен бірге».
АҚШ-тың Экс-Президенті Барак Обама:
«Біздің демократиямызда саяси себептермен зорлық-зомбылыққа орын жоқ. Біз не болғанын әлі нақты білмесек те, бұрынғы президент Трамптың ауыр зардап шекпегеніне байланысты бәріміз жеңілдік сезінуіміз керек және осы сәтті пайдаланып, біздің саясатымыздағы өркениет пен құрметке деген адалдығымызды қайта растауымыз керек. Мишель екеуміз оған тезірек сауығып кетуін тілейміз», — деп жазды Обама X-те.