«Өз Жарлығыңызбен құрған Алатау ауданында 5 жылға жуық уақыттың ішінде көп жұмыстар жасалды. Соңғы 3 жылда жаңадан 9 мектеп, 5 балабақша, 3 аурхаана пайдалануға беріліп, халықтың әл-ауқаты бұрынғыдан әлдеқайда көтеріліп отыр», — деді Қ.Қабдулдин. Оның айтуынша, Елбасы бүгін Алматы қаласының келешекте Алатау ауданы арқылы дамитынын айтты. Жалпы бұрын бұл жерде 22 мың тұрғыны бар, 12 елді-мекеннен тұратын «Пригородный» кеңшары болған. Аудан алғаш құрылған кезде халық саны 122 мың адам болған еді, 5 жылдың ішінде ол 200 мыңнан асып кетті.