Былтыр мамыр айында құрылған «Плэйт койннан» 140-қа жуық адам зардап шегіпті. Ал сотқа келгені 5-ақ адам. Жалпы шығын көлемі 85 миллион теңгеге жуық. Жәбірленушілердің дені – атыраулықтар. Араларында Алматы, Шымкент, Қызылорда және өзге де облыс тұрғындары аз емес. Жеңіс Қанахметов оларға 30 пайыз өсіп уәде еткен екен. Ал алтын жалатылған «Мерседес» мініп, маңғаз жүрген пирамида басшысының адвокаттары егер КТК арнасы бұл мәселені көтеріп, ел-жұртқа жаймағанда, жұмысты алаңсыз жалғастырар едік деп реніштерін білдірді.
— Процеске КТК арнасының түсіруіне қарсымын. Себебі, осы процестің, осы айқайдың басталуы КТК-дан басталды. Осылар түсірді, көрсетті, яғни алаяқ деп көрсетті.