Бұл туралы ҚР Ауыр атлетика қауымдастығының президенті Қайрат Тұрлыханов журналистерге берген сұхбатында мәлім етті.
Оның айтуынша, бұндай базалар әлем елдерінің басым көпшілігінде бар. «Чемпион атанып жатқан спортшыларымыздың кейбірінің тұрғылықты жерінде немесе жаттығу орталықтарында олқылықтар кездесіп қалып жатыр. Сондықтан, бүгінгідей ауыр атлетикамыздың қарқынды дамыған кезінде, үлкен табыстарға жетіп жатқан уақытында барлық талаптарға жауап беретін бір орталықтың болуы заңды», дейді Қ. Тұрлыханов.
Келер жылы құрылысы басталады деп жоспарланып отырған базаға «Самұрық-Қазына» ұлттық әл-ауқат қоры демеушілік жасап отыр.
