Александр Винокуров Романдия турын 3-ші орында аяқтады

Александр Винокуров Романдия турын 3-ші орында аяқтады. Соңғы 5-ші кезеңде «Скай» командасынан ұлыбританиялық Бен Свифт мәре сызығын бірінші болып келсе, Астана капитаны 28-ші болып жетті. Швейцария жолдарында өткен велобәйгенің нәтижесінде австралиялық Кадель Эванс жалпы көрсеткіште үздік атанса, «НТС-Хайроуд» командасының шабандозы неміс Тони Мартин екінші сатыға тұрақтады.

Ал Винокуров көшбасшыдан 19 секунд артта қалып қорытынды есепте 3-ші болды. Енді Александр екі апталық демалыстан соң, маусым айында өтетін Дефине турына және шілде айының 2-інде басталатын Тур де Франс көпкүндігіне дайындығын бастайды.