Белградта (Сербия) өтіп жатқан бокстан әлем чемпионатында қазақстандық Серік Теміржановтың жекпе-жегінен кейін күтпеген жайт болды, — деп хабарлайды Caravan.kz медиа порталы Vesti.kz сайтына сілтеме жасап.
57 келіге дейінгі салмақ дәрежесіндегі жекпе-жекте төрешілердің бірауыздан қабылдаған шешімімен қазақстандық боксшы жеңіске жетті. Жеңімпаз белгілі болған кезде Теміржановтың бұрышы аталып, бірақ жеңілген қарсылас, Азияның қазіргі чемпионы моңғол Энх-Амара Хархуудың есімі аталған.
"Аздап уайымдауға тура келді, бірақ, әрине, қазақстандық өтті", — деп жазды басылым.
23 жастағы Теміржановтың келесі қарсыласы 2019 жылғы жастар арасындағы Азия чемпионатының жеңімпазы — жапон боксшысы Рейто Цуцуми болмақ.
Еске салайық, Серік Теміржанов 2020 жылғы Токиода өткен Олимпиаданың 1/8 финалында жеңіліп қалған болатын. Қазақстан құрамасының жекпе-жек кестесін мына жерден көруге болады.
