Футбол жарысы 5-ші тамыз күні «Астана Арена» стадионында өтеді. Форматы бойынша аталмыш турнир «Аңыздар кубогына» дәлме-дәл ұқсас, алаңда 5 ойыншы және қақпашы (6×6) ойнайды.
Астана төрінде Қазақстан, Ресей, Италия, Германия, Португалия және әлем құрамалары тартысқа түседі. Кевин Куранья, Дино Баджо, Марко Дельвеккио, Нуну Манише, Яри Литманен, Эрнан Креспо, Жан-Пьер Папен, Роман Широков, Валерий Карпин, Александр Филимонов сынды әлем футболының тірі аңыздары өз өнерлерін паш етеді.
Еліміздің намысын келесі ардагер спортшыларымыз қорғайды: Олегом Воскобойников, Игорь Авдеев, Андрей Карпович, Қайрат Аубакиров, Мұрат Тлешев, Нұрбол Жұмасқалиев және Андрей Финонченко.
Айта кетейік, 4 тамызда «Астана ЭКСПО-2017» көрмесінің аймағында жанкүйерлермен кездесу рәсімі өтеді. Сонымен қатар, жанкүйерлер жиын барысында фотоға түсіп, қолтаңба алу мүмкіншілігі қарастырылған. Ал 6-шы тамызда «Астана Арена» стадионында балалар мен жасөспірімдер спорт мектебінің түлектеріне арнайы шеберлік сабақтары өтеді.
Турнирдің күнтізбесі мен медиа жоспары және ойын алдындағы іс-шаралар жарыс басталуына бір апта қалғанда өтетін жеребе тарту рәсімінен кейін белгілі болады.
