Бұл туралы бүгін интернет технологияларын дамыту жөнінде журналистермен болған баспасөз мәслихатында Байланыс және ақпарат вице-министрі Ризат Нұршабеков мәлім етті.
Оның сөзіне қарағанда, Қазақстан көптеген әріптес елдермен роумниг арқылы арнайы жеңілдіктермен сөйлеседі. Мысалы, Еуропалық одақ осы ұйымға мүше елдердегі роумингіне жеңілдіктер енгізген. Алайда ол жеңілдіктерді басқа операторлар пайдалана алмайды. «Осыған қарай біз де ТМД-ға мүше 12 елмен осындай шараны қарастыруды жөн санап отырмыз»,-деді министрдің орынбасары.
Ал ақпараттық технологиялар саласы мамандарының пікірінше, Қазақстандағы абонеттерге роуминг арқылы ең төменгі баға қойылған. «Біздегідей тарифтер әлемнің бірде-бір мемлекетінде жоқ. Тіпті Еуропа мен Еуропалық одаққа мүше елдердің өзінде мұндай мүмкіндіктер жоқ. Мұны Қазақстан халқы білуі керек», -дейді мамандар.
