Мемлекеттік мұнай компаниясы президентінің хабарлауынша, олардың есебі бойынша, орташа мұнай бағасы 14-16 доллар деңгейінде сақталған жағдайда да Әзербайжан «Ғасыр келісім-шарты » атанған жобаны («Азери»-«Чыраг»- «Гюнешли» (АЧГ) кеніштері блогын игеру жөніндегі) жүзеге асырудан 2006-жылдан бастап жыл сайын 1 млрд. доллар пайда табады. Ал қазір әлемдік нарықта мұнай бағасы шарықтап тұр : Еуропалық нарықта мұнайдың бір баррелінің бағасы 35 доллар болса, АҚШ-та 40 доллар шамасында. «Егер мұнайдың бір баррелінің бағасы 25 доллар көлемінде тұрақтаса, Әзербайжан жыл сайын 5 млрд. доллар пайда табады»,- деді Н.Әлиев.
2004-жылғы 1-сәуірдегі жағдаймен Әзербайжан Мемлекеттік мұнай қорында 803 млн. доллар жиналды.
«Азери»-«Чыраг»- «Гюнешли» кеніштері блогын игеру жөніндегі келісім-шартына 1994-жылдың 20-қыркүйегінде қол қойылып, сол жылдың 12-желтоқсанында күшіне енді. Жобаға қатысушылар мыналар : BP (34,1367% — оператор), Unocal (10,2814%), ExxonMobil (8,0006%), Devon Energy (5,6262%), Amerada Hess (1,0413%), ГHКАР (10%), Inрex Corр. (10%), ITOCHU Oil (3,9205%), Statoil (8,5633%), TPAO (6,75%) және Delta Oil (1,68%).
Қазіргі жағдаймен АЧГ шарты аясында тек Чыраг кенішінде ғана мұнай өндірілуде. Ал 2006 жыл басында «Азери» кенішінің орталық бөлігі игеріле бастап, онда жылына 20 млн. тонна мұнай өндірілетін болады. 2006-жылдың екінші тоқсаны мен 2007-жылдың бірінші тоқсанында Азери кенішінің батыс және шығыс бөліктерінде мұнай өндіру қолға алынып, бұл жерде де жылына 20 млн. тонна мұнай шығарылады деп күтілуде.
«Гюнешли» кенішінде мұнай өндіру 2008-жылы қолға алынады. 2009-2010-жылдары «АЧГ» блогында тәулігіне 1 млн. баррель (жылына 50 млн. тонна) мұнай өндірілетін болады.
Ал бұған дейін Әзербайжан «Ғасыр келісім-шарты » атанған жобаны жүзеге асыру нәтижесінде 2008-2009-жылдан бастап 5 млрд. доллар пайда табады деп межеленген болатын.
Соңғы жаңалықтар
Жаңалықтар
24 Сәуiр
Жаңалықтар
24 Сәуiр
Жаңалықтар
24 Сәуiр
Жаңалықтар
24 Сәуiр
Жаңалықтар
24 Сәуiр
Жаңалықтар
24 Сәуiр
Мәдениет
24 Сәуiр
Жаңалықтар
24 Сәуiр
Жаңалықтар
24 Сәуiр
Жаңалықтар
24 Сәуiр