«ШЫҰ өңірі үшін бір-біріне рыноктарын ашып, мынадай қиын жағдайда алыс-берістің жаңа жолдарын табу аса маңызды болып табылады. Бұл ретте ұйымның мүмкіндігін көрсету үшін өте маңызды қызмет алаңы бар. Тұтастай алғанда ШЫҰ өте салмақты ұйым болып саналады. Біз бұл ұйымды күшейту үшін бәрін жасап жатырмыз. Егер қазіргі дағдарыс жағдайында біз өзіміздің бірлігімізді көрсетіп, сіздер айтқан мүмкіндіктерге жол ашатын болсақ, онда өзіміз иелік ететін ресурстар мен нақты экономика әрқашан да сұранысқа ие болады», деді кездесуде Н. Назарбаев.
Мемлекет басшысы «резервтік валюта ретінде әлемдік бір валютаға байланып қалу әлем елдерін бір мемлекеттің, бір валютаның тұтқыны болуға алып келеді. Сондықтан бұл мәселе жөнінде ойлану қажет» деген пікірде.
ШЫҰ-ның өзара инвестициялары қазіргі уақытта күшеюі қажеттігін, осы орайда барлық кедергілерді жойылуы тиіс екенін» атап өтті. «Бұл — инвестициялар уақыты», деді президент.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
