Алматы әкімі Бостандық ауданында "Оптомаркет Арзан" сауда орталығының ашылуына қатысты

Баспасөз қызметінің ақпаратына сәйкес, Бостандық ауданында "Оптомаркет Арзан" сауда орны ашылды. Аталған дүкен Өтепов пен Каблуков көшелерінің қиылысына орналасқан. Бұл - "Cash and Carry" жүйесі бойынша жұмыс істейтін екінші сауда орны. Бірінші оптомаркет 2008 жылдың 6 шілдесінде Алатау ауданында ашылған болатын, мұндай оптомаркеттер бағаның өсуіне қарсы күрестің бір құралы болып табылады. "Қалада инфляцияны ауыздықтау бойынша нақтылы жұмыстар жүруде. Соның ішінде ең бастысы - азық- түлік тауарларының сауда орындарына еш делдалсыз, тікелей жеткізілуі. Өздеріңіз көріп тұрсыздар, оптомаркеттерде баға қаланың өзге дүкендерімен салыстырғанда 20-30 пайызға төмен. Болашақта әр ауданда "Арзан" жүйесімен істейтін дүкендер ашылатын болады"-, деді қала әкімі Ахметжан Есімов. Жаңа сауда орнын ашудағы басты мақсат - ҚР-ының президенті алға қойған инфляцияны ауыздықтау, азық - түлік тауарларының бағасын төмендету туралы міндеттерді жүзеге асыру. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті