Бұл туралы Caravan.kz медиа порталы kaz.inform.kz-ке сілтеме жасап хабарлайды.
— Бізге кәсіпкерлерден Алматы халықаралық әуежайының бәсекелестікті шектеуіне қатысты шағымдар түсті. Әуежай аумағында қызмет көрсететін жеткізушілерді таңдау процесінде монополияға қарсы заңнаманы бұзу белгілері анықталды. Анықталған фактілер бойынша агенттік ескерту шығарды, алайда ол орындалмады, — деді Бәсекелестікті қорғау және дамыту агенттігі төрағасының орынбасары Болат Сәмбетов Сенат қабырғасында өткен іс-шара барысында.
Оның айтуынша, қазір әуежайға қатысты тергеу шаралары жүріп жатыр.
Айта кетсек, Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын іске асыру шеңберінде Сенатта «Қазақстан Республикасында азаматтық авиацияны дамыту» тақырыбына арналған дөңгелек үстел өтті.