«Алғашқы 20 қалалық күзет фирмаларынан келген еріктілер Алматы көшелеріндегі тәртіпті сақтау үшін жаяу патрульдеуге қатысады»,-дейді баспасөз қызметінің өкілдері. «Мұндай жаңалық Қазақстанда алғашқы рет өткізіледі. Күзет қызметкерлері қала көшелерін үш ауысыммен торитын болады»,-деп атап өтті полиция қызметкерлері.
Күзет фирмалары өкілдерін жаяу патрульдеуге қатыстыру — Алматы ІІД бастамасы. Полицейлердің пайымдауынша, еріктілер «көше қылмыстарының алдын алуға және бетін ашуға ықпал етеді» деген сенімде.
Полиция қызметкерлерінің айтуынша, жаяу патрульдеу қалада 26 тамыздан бастап енгізілген. Мақсат — «полицейлердің қала көшелерінде және басқада қоғамдық жерлерде тәртіп сақтау жұмыстарын арттыру». «Күніне 200 патрульді полиция қызметкері , ҚР ІІМ ішкі әскер жауынгерлері , шұғыл әрекет етуші арнаулы отряд қызметкерлері және басқада қызмет өкілдері 90-100 бағыт бойынша қала тыныштығын күзетеді»,-дейді баспасөз қызметі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
