Алматы метросында пойыздардың қозғалыс интервалы қысқарды

Жолаушылар санының артуына байланысты Алматы метросында пойыздардың қозғалыс интервалы қысқартылды. Бұл туралы сәрсенбі күнгі баспасөз мәслихатында «Метрополитен» МКК директоры Қыдырал Бегасылов хабарлады.

Оның айтуынша, «жұмыс күндері қарбалас шақтарда пойыздар 8 минут, басқа уақытта 10 минут, ал демалыс күндері 13 минут 20 секунд интервалмен жүреді».

«Бұрын қарбалас шақта пойыздар арасындағы интервал 10 минут, қалған уақытта 13 минут 20 секунд болатын», — деп атап өтті Қ.Бегасылов.