Алматы облыстық прокуратурасы салық төлеуден жалтарған кәсіпкерлердің үстінен 7 қылмыстық іс қозғады

Кәсіпкерлік іс-қызметке жүргізілген тексерулер нәтижесінде Алматы облыстық прокуратурасы ҚР Қылмыстық Кодексінің салық төлеуден жалтару жөніндегі 221-бабы, 1-тармағы бойынша кәсіпкерлердің үстінен 7 қылмыстық іс қозғады. Бұл туралы KZ-today тілшісіне ҚР Бас прокуратурасының баспасөз қызметінен хабарлады.

Баспасөз қызметінің хабарлауынша, прокурорлық тексеру барысында Қытайдан «Қорғас» кеден бекеті арқылы 12 млрд. теңгенің күнделікті тұтыным тауарларын әкелген 7 кәсіпкердің салықтан жалтару дерегі әшкереленді. Мемлекеттік кіріске құйылмай қалған жеке кіріс салығының мөлшері 3 млрд. 840 млн. 894 мың теңгені құрады.

Беті ашылған деректерге қатысты іс материалдары Алматы облыстық экономикалық және жемқорлық қылмыстармен күрес департаментіне жолданды.