Алматы облыстық прокуратурасы "Шенеунік пен кәсіпкер" атты шара өткізуде

Алматы облыстық прокуратурасы 5-10-қаңтар аралығында өңірде "Шенеунік пен кәсіпкер" атты шара өткізуде. Бұл туралы KZ-today тілшісіне облыстық прокуратураның мемлекеттік мекемелер іс-қызметінің заңдылығын қадағалау бөлімінің бастығы Бауыржан Мақұлбаев хабарлады.

Бұл шараның мақсаты — кәсіпкерлікті дамытуға кедергі болып отырған себептерді анықтап жою болып табылады.

«Шенеунік пен кәсіпкер»шарасы облыста осымен төртінші жыл өткізілуде. Б.Мақұлбаевтың айтуынша, осы мерзімде бақылаушы мекемелер тарапынан заңсыз тексерулер саны анағұрлым азайды. Заң бұзу оқиғалары туралы кәсіпкерлердің өздері де хабарлайды, ол үшін облыстық прокуратурада сенім телефоны жұмыс істейді, деді ол.