«Науқас тиісті зерттеулерден өткізілді, клиникалық байқау мен зертхана мәліметтері бойынша диагноз расталған жоқ», — деді А. Дерновой.
«Біз бұдан былай осындай оқиғаның алдын алуға қажетті шараның бәрін қолдандық, сондай-ақ, шекарадағы бақылауды күшейтуге қажетті барлық шаралар дәйектелді», — деді министр.
«Қуанышқа орай, науқас үшін де, біз үшін де барлық мәселе шешілді», -деді ҚР денсаулық сақтау министрі.
Бұдан бұрын да хабарлағанымыздай, Алматы облысының Алакөл ауданында бір науқасқа алдын-ала «энтеровирусты инфекция» диагнозы қойылған болатын.
«Алматы облыстық мемлекеттік санитарлық-эпидемиологиялық қадағалау басқармасының мәліметінше, Алматы облысында 16 мамырда сағат 12.00-де Алакөл ауданында алдын-ала «энтеровирусты инфекция» диагнозы қойылған науқас тіркелді, Қазақстанға 26-сәуірде келген ҚХР тумасы», -деп хабарлады ҚР ТЖМ. Науқас Алакөл аудандық орталық ауруханасының жұқпалы аурулар бөлімінің арнаулы боксына жатқызылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті