Алматы облысында артиллериялық снарядтың жарылуы салдарынан бір адам қаза тауып, біреуі жараланды

Алматы облысында Ұлы отан соғысы дәуірінен қалған артиллериялық снарядтың жарылуы салдарынан бір адам қаза тауып, біреуі жараланды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, 16-тамызда Қосөзен ауылындағы «Малахит» саяжай қоғамының тұрғындары 1943-1945-жылдары жасалған 22 мм-лік калибрлі артиллериялық снарядты даладан тауып алып, аулаға әкелген. Абайсыздық салдарынан снаряд жарылып, бір адам оқиға орнында мерт болса, тағы біреуі жарақатпен ауруханаға жатқызылды.