Алматы облысында екі жол апатынан алты адам мерт болып, бес адам жараланды

Талдықорғанда, Алматы-Өскемен тас жолының 260-шақырымында «Мазда -626» автокөлігі мен «Газель» көлігі соғысып қалды. Апат салдарынан «Мазда» жүргізушісі мен оның бір жолаушысы , сондай-ақ, «Газельдің» бір жолаушысы жарақаттан оқиға орнында жан тәслім етті. «Газельдің» жүргізушісі мен екі жолаушы ауруханаға түсті.

Ал Еңбекшіқазақ ауданында Алматы-Көкпек-Көктал тас жолының 65-шақырымында «Ауди-100» автокөлігі «КамАЗбен» соғысты. Апат салдарынан «Ауди» автокөлігінде отырған үш жолаушы, соның ішінде жаңа туған нәресте оқиға орнында опат болды. Жеңіл автокөліктің жүргізушісі мен бір жолаушы ауруханаға түсті.