Полицейлердің ақпараттарына сүйенсек, Жаркенттің 28 жастағы тұрғыны қарақшылық өнімді дайындау үшін екі адамды жалдап алған, ал цехты кәдімгі пәтерде құрған. «Ұсталғанның пәтерінен 6 мыңдай DVD -дискілер, баспахана жабдықтары, DVD-ROM орнатылған 3 жүйе блогы, 3 фотосмарт, принтер және сканер табылып, тәркіленді»,- деп көрсетілген хабарламада.
Баспасөз қызметінің мәліметтеріне сүйенсек, қолдан жасалынған өнім «Тастақ» және «Алтын Орда» базарларында, біреуін 170 теңгеден көтерме бағаға сатылған.
Санаткерлік меншік құқығын бұзғаны үшін цехтың иесіне қатысты қылмыстық іс қозғалды, жалданған жұмысшылардың айып дәрежесі тергеу барысында белгіленеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті