Алматы облысында шіркеуге тонаушылық жасаған қылмыскер күзетшіні өлтірді

Алматы облысының Есік қаласында шіркеуге жасалған тонаушылық оқиғасы кезінде күзетші кісі қолынан қаза тапты. Бұл туралы KZ-today тілшісіне ҚР ІІМ-нің баспасөз қызметінен хабарлады.

Тәртіп сақшыларының ақпаратына сәйкес, пышақтап өлтірілген күзетшінің мәйіті 27-тамызда табылған. Ұры шіркеудің сейфіндегі 32 мың теңге мен 1,5 килограмм күміс бұйымдарды алып кеткен.

Қылмысқа қатысы бар күдікті ұсталды. 29 жастағы жергілікті тұрғын уақытша тергеу қапасына қамалып, тергеу амалдары жүргізілуде.