Бұл туралы Төтенше жағдайлар министрлігі Telegram-дағы арнасына сілтеме жасаған Caravan.kz медиа порталы хабарлайды.
ТЖМ ұсынған мәліметтерге сай, 2024 жылғы 15 желтоқсан Астана уақыты бойынша сағат 23:23-те жер сілкінісі тіркелді.
Жер сілкінісінің координаттары: 44.000 с.е. 76.910 ш.б. Жер сілкінісінің ошағы Қазақстан аумағында Алматы қаласынан солтүстікке қарай 88 шақырым жерде орналасқан. Жер сілкінісі Қонаев қаласында 3 балл болса, Алатау қаласында (Жетіген) 2 балды құраған.
Сол сияқты Күрті ауылында да 2 балдық жер сілкінісі сезілген. Тексеру нәтижелеріне сәйке,с әзірге зақымдану табылмаған.
«Қазіргі таңда аталған объектілер штаттық режимде жұмыс істеп тұр. Жағдай тұрақты», — деп жазылған хабарламада.