Алматы облысында жоғалып кеткен тікұшақты іздеуге Шығыс Қазақстан құтқарушылары да қосылды

«Жоғалған тікұшақты іздеуге Үржар аудандық ТЖ бөлімі де кірісті. Әзірге ешқандай нәтиже жоқ. Біз шекаралас болғандықтан тікұшақты өз аумағымыздан іздестіріп жатырмыз», - деп дүйсенбі күні «Интерфакс-Қазақстан» агенттігіне ШҚО ТЖ департаментінің баспасөз қызметі өкілі Анастасия Скляр мәлімдеді. «Барлық мәселелерге Алматы облысы жауап береді. ШҚО құтқарушылары негізгі іздеу операциясына жұмылдырылмаған», - деді А.Скляр. Бұрын хабарланғандай, қарашаның 24-інде таңғы сағат 8:20-да «Атасу-Алашанькоу» магистральді мұнай құбырының желілік учаскесін барлауға шыққан «ЕурАзияЭйр» АҚ тікұшағы сағат 12-де жоғалып кеткен. Тікұшақ бортында барлығы 8 адам болған. Осы екі арада бүгін МИ-823 тікұшағын іздеуге ҚР ТЖМ-нің Алматы облысы бойынша 4 тікұшағы аттанды. ТЖМ-нен хабарлағандай, «Еуразия Эйр» АҚ-ның жезқазғандық филиалының иелігіндегі МИ-823 тікұшағын «Қазақстандық-қытайлық құбыр желісі» ЖШС Атасу-Алашаңқой мұнай құбырын қарау үшін жалға алынды. МИ-823 Алматы облысындағы Қазақстан ауылына жақын жердегі тікұшақ алаңынан 24 қараша күні сағат 08:30-да ұшты.