Алматы облысындағы тауларда сел қаупі сейілген жоқ

Алматы облысы аумағында нөсер жауынға байланысты сел қаупі күшейеді деп жариялаған «Қазгидромет» мекемесі бұл ескертуді тағы үш күнге ұзартты. Бұл туралы жұма күні синоптиктерге сілтеме жасай отырып еліміздің ТЖМ хабарлады. «Алдағы үш тәулікте нөсер жауын жаууына байланысты Алматы облысының тау бөктерлеріндегі өзендерде су деңгейі көтеріліп, тасу қаупі күшейіп тұр», - делінген ведомство ақпарында.