Алматыда бүгін түнде жер сілкінісі сезілді, — деп хабарлайды Caravan.kz медиа порталы Tengrinews.kz -ке сілтеме жасап.
ТЖМ мәліметінше, 17 қазанда сағат 03.23-те жер сілкінісі тіркелген. Эпицентрі Қытай аумағында, Алматы қаласынан оңтүстік-шығысқа қарай 264 шақырым жерде орналасқан.
«Алматы қаласында 2 балл болып сезілді. Зардап шеккендер туралы ақпарат жоқ», — деп жазылған хабарламада.
Айта кетейік, Алматы 9-10 балдық сейсмикалық аймақта орналасқан.