Алматы-Ақтау бағытындағы жолаушылар поезының төрт вагоны шойын жолдан шығып кету зардаптары таяу уақыттарда жойылады - ҚР төтенше жағдайлар жөніндегі Агенттігі

Апат кеше, 22-маусымда Астана уақытымен 14 сағат 50 минутта Алматы облысындағы Шилібастау станциясында болған. Мамандардың алдын-ала мәліметі бойынша, «вагонның трансмиссиясындағы ақау салдарынан вагондар шойын жолдан шығып кеткен»,- деп хабарлайды Агенттік.

Оқыс оқиға салдарынан бес жолаушы жеңіл жарақаттанып, оларға алғашқы дәрігерлік жәрдем көрсетілгеннен кейін үйлеріне жіберілді.
Құлап қалған екі вагон тұрғызылып, Отар станциясына жіберілді, тағы екі вагон алдағы уақытта тұрғызылады.
Бүгін түнде шойын жолдан шығып кеткен вагондағы 32 адам Алматыға жеткізілді. Екі адам облыстық ауруханаға жатқызылды. 17 жолаушы жүктерін күтіп Отар станциясында қалды.