Алматыда алкоголь өндіретін екі жасырын цех жойылды
|
Алматыда контрафактілік алкоголь шығаратын екі жасырын цех қызметі тойтарылды, деп қалалық экономикалық қылмысқа және сыбайлас жемқорлыққа қарсы күрес департаментінің баспасөз қызметі мәлімдеді. |
Бүгінгі хабарламаға сәйкес, жасанды спирт ішімдіктерін өндіретін цехтың бірі 28 желтоқсан күні Түркістан ықшам ауданында анықталған.
Цехтан сатуға дайын тұрған әйгілі марканы жасанды 428 бөтелкесі, 375 бос бөтелке, 3 мың 282 жалған есептік-бақылау маркасы және 10 литр спирт табылған.
Сонымен қатар, «Шаңырақ-2» ықшам ауданында тағы бір жасырын цех әшкереленді. Жедел шара барысында сатуға дайын тұрған 220-дан астам спирттік ішімдік, 491 жалған есептік-бақылау маркасы табылған. Сонымен қатар, жасырын цехтан коньяк жасауға арналған 1 литр сұйықтық табылған.
Пікір қалдырыңыз
Пікір қалдыру тіркелген пайдаланушылар ғана мүмкін