Алматыда астан уланған тағы бес бала ауруханаға түсті
|
Алматыдағы Ақсай ықшамауданында орналасқан №100 балабақшада астан уланған тағы бес бала ауруханаға түсті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады. |
Агенттік ақпаратына сәйкес, балалардың денсаулық ахуалы орташа ауыр деп бағалануда. Сөйтіп, Алматыдағы "ГауҺар" атты оқыту-тәрбиелеу орталығында тәрбиеленуші балалардың сапасыз тағам тұтынуы салдарынан уланған бүлдіршіндер саны 24-ке жетті.
Бұдан бұрын да хабарлағанымыздай, қалалық тазалық-індет станциясы басқармасының шешімімен балабақша жабылды. Бұл жерде тазалық-індет станциясы, қалалық төтенше жағдайлар жөніндегі мемлекеттік басқармасы мен полиция топтары жұмыс істеуде. Балабақшадағы азық-түлік тауарлары тәркіленіп, зертханаға тексеруге жіберілді.
Пікір қалдырыңыз
Пікір қалдыру тіркелген пайдаланушылар ғана мүмкін