Алматыда астық тиеген поезд шойын жолдан шығып кетті

6-шілдеге қараған түні Алматыда 1-ші және 2-ші Алматы темір жол бекеттері арасында астық тиеген жүк поезы шойын жолдан шығып кетті. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Барлығы үш вагон мен бір бос жартылай вагон шойын жолдан шығып, олардың екеуі аударылып қалды.

Зардап шеккендер мен құрбан болғандар жоқ. Бұл учаскеде қозғалыс тоқтатылды. Оқиға болған жерге қалпына келтіруші поезд жіберілді. Апат зардаптары 6-шілдеде 18 сағатқа таман жойыладыдеп күтілуде.