Жарыстарға Армения, Әзербайжан, Грузия, Иран, Үндістан, Катар, Кытай, Корея, Қырғызстан, Ресей, АҚШ және басқа да елдерден құрамалар қатысады.
Қазақстан құрамасы табыстан үмітті. “Қазақстандықтар күнделікті өздері айналысатын аттарымен жарысқа қатысса, біздің қарсыластарымыз жеребе тастау арқылы анықталған аттармен жарысқа түсетінін ескерсек, біздің табысқа үміт артуға негізіміз толық”,- деді ҚР ат спорты федерациясының вице-президенті Сергей Буйкевич. Оның айтуынша, еліміз құрамасы үшін басты қарсыластар – Корея, Үндістан және Ресейлік спортшылар болып табылады.
Жарыстар әлемдік стандарттарға сәйкес өткізіледі, дейді ұйымдастырушылар. “Біз Олимпиада ойындарының деңгейіне жету үшін бәрін істеп жатырмыз”,- деді П.Новиков. Оның айтуынша, “шараны ұйымдастыруға бюджетен бір тиын қаржы жұмсалған жоқ, барлық шығындарды демеушілер көтерген”. Әр бағдарлама бойынша сыйлық қоры 12 мың АҚШ долларына тең.