Жарияланды: 330

Алматыда бір аптаның ішінде 41 жабайы сауда орындары жабылды

Алматыда өткен аптада Алматы полициясы мен қала әкімдігінің және санитарлық-эпидемиологиялық қызметтің бірігіп жүргізген рейді барысында 41 жабайы сауда орындары анықталды.

Жүргізілген іс-шара барысында Алатау, Әуезов және Алмалы аудандарында әр аудан бойынша заңсыз ашылған 6 сауда орындары жойылған. Осы сынды жабайы сауда мен жайма базарлар Бостандық ауданы бойынша - 11 орында, Жетісу ауданы бойынша - 5, Медеу ауданында - 3, ал Түрксіб ауданында - 4 орында жойылған. Мұнда негізінен көкөністер мен жеміс-жидектер, сонымен қатар, ұсақ-түйек тауарлар сатылған. Рейд жұмыстары сонымен қатар, қала базарларының айналасында да жүргізілді. Полиция күшімен барлық сауда нүктелері таратылды. Алматы қаласы бойынша мемлекеттік санитарлық-эпидемиологиялық бақылау комитеті мамандарының айтуынша, осы бағыттағы жұмыстар әлі де жалғасатын болады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть