Жарияланды: 330

Алматыда бұзақылар дәл ІІД алдында оқ атқан

Полицейлердің көз алдындағы атыс! Алматыда бұзақылар тура Ішкі істер департаментінің алдында травматикалық тапаншадан бей-берекет оқ жаудырған.

Шевроле көлігін мінген төрт жігіт осылайша тәртіп сақшыларына қыр көрсетпек болыпты. Бірақ ұзаққа бармай, бірнеше көшеден соң патрульдік полиция экипажының құрығына түсті. Темір тұлпарды тінту барысында оқ атылған травматикалық тапаншадан өзге тағы бір қару табылып отыр. Қару ұстағандарына қарамастан, тиісті құжаттар құрықталғандардың ешқайсында жоқ. Ал бұзақылыққа сол маңдағы дәмханалардың бірінде ащы судан біраз сілтеген соң барыпты. Қайткенде де қоғамдық тәртіпті бұзып, оқ атқандар енді 3 жылға дейін бас бостандығынан айырылуы мүмкін.

Пікір қалдырыңыз

Пікір қалдыру тіркелген пайдаланушылар ғана мүмкін