Алматыда Елбасының бұрынғы көмекшісін өлтірген күдіктілер қолға түсті

Алматыда Елбасының бұрынғы көмекшісі Хайролла Қабжановты өлтірді деген күдікпен екі адам қолға түсті. Бұл туралы бүгін, 27-қаңтарда ҚР ІІМ Зауытбек Тұрысбеков журналистерді құлағдар етті,- деп хабарлайды KZ-today тілшісі.

Бұдан бұрын да хабарлағанымыздай, Х.Қабжанов 22-қаңтарда Алматыда кісі қолынан қаза тапқан болатын. Полицияның ақпаратына сәйкес, Х.Қабжановты үйіне қайтып келе жатқанда төрт жігіт соққыға жығып, оқиға орнынан іздерін жасырып үлгерген.

З.Тұрысбековтың айтуынша, күдіктілер қаза тапқан адамнан алған ұялы телефонмен жасаған қоңырау арқылы табылды. Қазір тәртіп сақшылары қалған екі күдіктіні іздестіріп жатыр.