Төтенше жағдай қаладағы ойын-сауық кешендернің бірінде болды. Мұнда ірі боулинг және бильярд клубтары орналасқан. Оның иесі мұнда жуырда ғана күрделі жөндеу жұмысын жүргізген екен. Үш қабатты ғимаратта өртті сөндіру оңай соқпаған. Кешенді алдымен толықтай тоқ көзінен ажырату мүмкін болмады. Осындай кедергілер өрт сөндірушілердің жұмысын қиындатқан. Соның салдарынан ғимараттың үшінші қабаты түгелдей күлге айналды. Ал осы жерден шыққан қою қара түтін қаланың кез-келген бұрышынан көрініп тұрды.