Алматыда газ құбырының бүлінуі салдарынан 30 үй көгілдір отынсыз қалды

2003-жылдың 24-маусымында түнгі сағат 00.10 шамасында Алматының Түрксиб ауданында "ГАЗ-52" автокөлігінің бағанды соғып кетуі салдарынан жер үстіндегі 108 мм-лік төмен қысымды газ құбырына ақау келді. Бұл туралы KZ-today тілшісіне ҚР Төтенше жағдайлар жөніндегі агенттігінен хабарлады.

Агенттіктің мәліметтеріне қарағанда , апат салдарынан жеке меншік сектордағы 30 үй көгілдір отынсыз қалды. Құбырмен көгілдір отын жіберу жұмысы 24-маусымда кешкі сағат 20-да ғана қалпына келтірілді.