TechDays — Microsoft корпорациясының жобасы. Шараны ұйымдастырушылардың айтуынша, негізгі мақсат — техникалық мамандарды жасақтау және оларға кәсіпорындағы инфрақұрылымды басқару саласындағы соңғы технологиялар жайлы мәліметтерді жеткізу.
«Біздің компания кәсіпқой ІТ-мамандарды қолдауға үлкен мән береді және мұндай семинар олар үшін үлкен мүмкіндік. TechDays тыңдармандардың кәсіби шеберлігін арттырумен қатар олар өкілеттілік етіп отырған компаниялардың өсуіне барынша ықпал етеді», -дейді Microsoft Қазақстанның Бас директоры Гюнтер Дам.
Аталған семинарға жергілікті ІТ-ұйымдар мен түрлі саладағы ІТ-департаменттерінен 80-ге жуық адам қатысуда.
Сондай-ақ жиын барысында Қазақстандағы Microsoft өкілдерімен қатар Орталық және Шығыс Еуропа аймағындағы компания қызметкерлері баяндама жасады. Негізгі баяндамалар Microsoft-тың заманауи веб-тұғырнамасы мен ІТ-мамандар, веб-жасақтаушылар және дизайнерлермен қатар қарапайым тұтынушылардың жаңа көкжиектерге жол бастайтын мүмкіндіктеріне арналды.
«Бүгінгі шара жасақтаушылармен қатар жалпы ІТ-мамандар үшін едәуір маңызды оқиға болып отыр. Ал студенттер қауымына бұл семинар ЖОО-ны тәмамдаған соң қандай қызметпен айналысатынын, қандай қолданбалы мәселелерді шешуге тура келетінін түсінуге көмектеседі», -деп атап өтті Халықаралық ІТ университетінің оқытушысы Виктор Дмитриев.
