Алматыда көп қабатты 15 үй апат салдарынан көгілдір отынсыз қалды

Кеше, 20-қазан күні кешке қаланың Таугүл ықшам ауданында жер астындағы гидрозатвордан газ шықты. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Апат салдарынан көп қабатты 15 үй көгілдір отынсыз қалды. Зардап шеккендер мен құрбан болғандар жоқ.

ҚР төтенше жағдайлар жөніндегі министрлігінің ақпаратына сәйкес, жөндеу және қалпына келтіру жұмыстары бүгін, 21-қазанда түске дейін аяқталуы тиіс.