Форумда партияның Алматы қалалық филиалының жемқорлықпен күрес жөніндегі Қоғамдық кеңестің жұмысы қорытынданып, қалалық құқық қорғау органдарының жемқорлықпен күрес жөніндегі жұмысы тыңдалады. Оған қоса жемқорлыққа қарсы күрестің тиімділігін арттыру жөніндегі міндеттер мен шаралар айқындалады. Форум барысында жемқорлыққа қарсы күрестегі мемлекеттік органдар арасындағы үздік қойылым бойынша қалалық конкурстың нәтижесі де жарияланбақ. Форумға қалалық құқық қорғау орындары мен бақылау орындарының, жоғары оқу орындарының басшылары, үкіметтік емес ұйымдардың өкілдері, жемқорлықпен күрес жөніндегі қоғамдық кеңестің мүшелері, «Жас Отан» жастар қанатының белсенділері қатысады.
Т.Садықовтың айтуынша, 22 қазанда «Нұр Отан» ХДП Алматы қалалық филиалының жанындағы сыбайлас жемқорлыққа қарсы күрес жөніндегі қоғамдық кеңес пен Алматы қалалық прокуратурасы ынтымақтастық туралы меморандумға қол қойды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті