Алматыда Office және Windows бағдарламаларының қазақша нұсқасының тұсаукесері өтті

Бүгін, 26-мамырда Алматыда Microsoft Windows XP операциялық жүйесі мен Microsoft Office 2003 қосымшасының қазақша нұсқасының тұсаукесері өтті. Бұл туралы KZ-today тілшісіне Microsoft компаниясының Қазақстандағы өкілдігінің баспасөз қызметінен хабарлады.

Microsoft Office 2003 бағдарламасының қазақша нұсқасының ерекшелігі — офис қоржынын қазақшадан орысшаға және керісінше тез арада ауыстыруға мүмкіндік беретіндігі мен оның жеңілдігінде болса керек. Сонымен бірге қазақ тіліндегі құжаттарды жазу барысында орфографияны тексеру және жиі кездесетін қателерді танып ажырату мен оларды түзету мүмкіндіктері бар.

Өнімді бірінші кезекте үкімет, министрліктер, мемлекеттік мекемелер мен оқу орындары тұтынады деп күтілуде.